Y Gegin
Rhowch 2 lwy fwrdd o soda pobi mewn cwpan o ddwr poeth, rhowch y cwpan yn y popty-ping/microdon gan ferwi’r gymysgedd am 30 eiliad. Sychwch y tu mewn i’r popty i’w lanhau’n hawdd gan adael arogl ffres. Tywalltwch yr hylif i lawr y sinc i lanhau’r draen.
Rhowch 2 lwy fwrdd o soda pobi yn y peiriant golchi llestri yn lle’r sebon arferol. Rhowch fygiau neu lestri sydd wedi’u staenio yn y peiriant. Trowch ymlaen. Bydd y peiriant, y draen a’r mygiau yn sgleinio.
Taenwch ychydig o soda pobi yng ngwaelod bag bin newydd cyn llenwi. Bydd hyn yn arbed drewdod.
Rhowch 4 llwy fwrdd o soda pobi mewn bwced o ddwr a gadewch y mop i socian am awr. Y canlyniad yw mop glân a ffres.
Y Cartref
Er mwyn cael gwared ar staenau dwr ar lawr pren, rhwbiwch sbwng wedi’i fwydo mewn dwr a soda pobi dros y marciau - bydd y staenau yn diflannu wrth sychu. Gwyliwch fod y soda wedi meddalu rhag marcio’r llawr.
Taenwch soda pobi dros garpedi a rygiau cyn hwfro – llawer rhatach na “Shake and Vac” ac yn gwneud yr un gwaith yn union.
Taenwch soda pobi dros unrhyw olew a saim. Mae’r powdwr yn sugno’r olew. Mae’n hawdd i’w waredu.
Yr Ardd
Rhowch lwy fwrdd o soda pobi mewn galwyn o ddwr i chwistrellu rhosod. Bydd hyn yn cael gwared ar ffwng du.
Os oes gennych forgrug, rhowch linell o soda pobi dros y llwybrau. Ni fydd y morgrug yn croesi’r soda.
Adeg BBQ neu dân wyllt, cadwch soda pobi wrth law, os bydd digwydd i dân annisgwyl gychwyn taenwch y soda drosto i’w ddiffodd.
Rhowch soda pobi ar eich llwybrau yn lle halen i’w cadw’n glir pan fo rhew ac eira. Mae’n fwy caredig i anifeiliaid anwes a bydd hefyd yn lladd mwsogl a chwyn.
Mae hanner llwy de o soda pobi mewn glasiad o ddwr yn creu ‘mouthwash’ effeithiol.
Taenwch ychydig o soda pobi ar ben eich past dannedd i wynnu’r dannedd. Peidiwch defnyddio brws electroneg.
Gallwch lanhau eich gwallt gyda soda pobi - rhowch 1 llwy fwy bwrdd mewn cwpan o ddwr a’i daenu dros wallt sych, yna rinsio a golchi’r gwallt gydag ychydig bach o siampw cyffredin. Bydd y soda pobi yn gwaredu’r baw a gweddillion cynnyrch gwallt o’r gwallt.
Cadwch botyn o soda pobi yn yr ystafell ymolchi ar gyfer pob rhan o’r corf – rhwbiwch ar eich traed i drin croen sych neu ‘athlete’s foot’. Bydd hefyd yn cadw’n bath/cawod yn lanach!
Cyffredinol
Defnyddiwch ychydig o soda pobi mewn dwr i dynnu labeli glud oddiar bethau newydd - labeli pris ayyb
Rhowch soda pobi ar eich coeden Nadolig yn lle’r chwistrellydd cemegol pwrpasol i greu effaith eira.